ಎಸ್ ಕೆ ಎಸ್ ಎಸ್ ಎಫ್ ಗೂನಡ್ಕ ಶಾಖೆಯ ವತಿಯಿಂದ ಇಂದು ಪೇರಡ್ಕದಲ್ಲಿ ಹಮ್ಮಿಕೊಳ್ಳಲಾಗಿದ್ದ ಮಜ್ಲಿಸುನ್ನೂರ್ ಕಾರ್ಯಕ್ರಮದಲ್ಲಿ, ಅಂತರರಾಷ್ಟ್ರೀಯ ಮಟ್ಟದ ಪ್ರತಿಷ್ಠಿತ ಸಿಎಂಎ (CMA – USA) ಪರೀಕ್ಷೆಯಲ್ಲಿ
ಸಾಧನೆಗೈದ ಅಶ್ಫಾಕ್ ಗೂನಡ್ಕ ರವರಿಗೆ ಸನ್ಮಾನ ಕಾರ್ಯಕ್ರಮ ನಡೆಯಿತು
ಗ್ರಾಮೀಣ ಭಾಗದ ಪ್ರತಿಭೆಗಳು ಅಂತರರಾಷ್ಟ್ರೀಯ ಮಟ್ಟದಲ್ಲಿ ತಮ್ಮ ಹೆಜ್ಜೆಯನ್ನು ಗುರುತಿಸಿದಾಗ ಅದು ಇಡೀ ಸಮಾಜಕ್ಕೆ ಹೆಮ್ಮೆಯ ವಿಷಯ. ಇಂತಹದ್ದೇ ಒಂದು ಅಪರೂಪದ ಸಾಧನೆ ಮಾಡಿದ ಗೂನಡ್ಕದ ಉದಯೋನ್ಮುಖ ಪ್ರತಿಭೆ ಅಶ್ಫಾಕ್ ಅವರಿಗೆ ಎಸ್ಕೆಎಸ್ಎಸ್ಎಫ್ (SKSSF) ಗೂನಡ್ಕ ಶಾಖೆಯ ವತಿಯಿಂದ ಅಭಿನಂದನಾ ಸನ್ಮಾನ ನೆರವೇರಿತು.
ಪೇರಡ್ಕದಲ್ಲಿ ನಡೆದ ಮಜ್ಲಿಸುನ್ನೂರ್ ಭಕ್ತಿಪೂರ್ವಕ ಕಾರ್ಯಕ್ರಮದ ದಿವ್ಯ ಸನ್ನಿಧಿಯಲ್ಲಿ, ಅಂತರರಾಷ್ಟ್ರೀಯ ಮಟ್ಟದ ಪ್ರತಿಷ್ಠಿತ CMA (USA) (ಸರ್ಟಿಫೈಡ್ ಮ್ಯಾನೇಜ್ಮೆಂಟ್ ಅಕೌಂಟೆಂಟ್) ಪರೀಕ್ಷೆಯಲ್ಲಿ ಅರ್ಹತೆ ಪಡೆದು ಉತ್ತೀರ್ಣರಾದ ಅಶ್ಫಾಕ್ ಗೂನಡ್ಕ ರವರನ್ನು ಸಮ್ಮಾನಿಸಿದರು.
ಮೊಹಿಯ್ಯುದ್ದೀನ್ ಜುಮಾ ಮಸೀದಿಯ ಅಧ್ಯಕ್ಷರಾದ ಪಿ.ಕೆ. ಉಮ್ಮರ್ ಅವರು ಸಾಧಕ ಅಶ್ಫಾಕ್ ಅವರಿಗೆ ಶಾಲು ಹೊದಿಸಿ, ಸನ್ಮಾನ ಪತ್ರ ನೀಡಿ ಶುಭ ಹಾರೈಸಿದರು. ಉನ್ನತ ಶಿಕ್ಷಣದ ಕ್ಷೇತ್ರದಲ್ಲಿ ಗ್ರಾಮೀಣ ಯುವಜನತೆಗೆ ಅಶ್ಫಾಕ್ ಅವರ ಈ ಸಾಧನೆ ಅತ್ಯಂತ ಪ್ರೇರಣಾದಾಯಕ ಎಂದು ನಹೀಂ ಫೈಝಿ ಅಲ್ ಮಹಬರಿ ಪೇರಡ್ಕ ಅವರು ಬಣ್ಣಿಸಿದರು.
ಈ ಶುಭ ಕಾರ್ಯಕ್ರಮದಲ್ಲಿ ಎಸ್ಕೆಎಸ್ಎಸ್ಎಫ್ನ ಪದಾಧಿಕಾರಿಗಳು, ಸಕ್ರಿಯ ಕಾರ್ಯಕರ್ತರು, ಪೇರಡ್ಕ ಜಮಾಅತ್ನ ಪ್ರಮುಖ ಸದಸ್ಯರು ಹಾಗೂ ಅಪಾರ ಸಂಖ್ಯೆಯ ಸಾರ್ವಜನಿಕರು ಭಾಗವಹಿಸಿ ಸಾಧಕನಿಗೆ ಪ್ರೋತ್ಸಾಹ ತುಂಬಿದರು.
